日本性格男星小澤征悅有份參演HBO原創劇集《神探夏洛克小姐》，在劇中與飾演女版福爾摩斯嘅主角竹內結子扮演兄妹，二人在劇中不時鬥嘴，今次合作成功擦出火花及贏得口碑，小澤征悅近日接受《蘋果》訪問，透露曾來港一趟參加友人嘅香港婚宴。

小澤征悅早前偕竹內優子兄妹檔到台灣宣傳《神探夏洛克小姐》，原來佢是第一次到台灣，可惜冇太多時間，來去匆匆只對鼎泰豐嘅小籠包情有獨鍾，小澤征悅補充：「我很期待將來再有機會到台灣，可以有更多時間觀光。」問到有否來過香港？小澤征悅答：「我去過香港一次，是為了朋友的婚禮，不過只逗留不足24小時便返回東京。」小澤亦認識香港藝人，欣賞劉德華及成龍，望日後有機會見到二人。

小澤征悅係神級指揮家小澤征爾嘅兒子，入行20年演出逾百套影視作品，但香港網民可能對佢最近代言嘅UHA味覺糖撕撕軟糖廣告更為熟悉，事關該廣告系列在社交網站一度瘋傳，小澤說：「其實拍攝廣告時，導演要求我要認真演出，當我埋位時一臉嚴肅卻反而充滿喜感，我也非常感謝香港及台灣網民愛上這輯廣告，連我自己也很喜歡。」

精選娛聞，喺晒《娛果》
http://fb.com/appledailyent