當年今日
關於我們

【迎鼠年】辦年貨最後衝刺 同路人力撐糕點黃店

蘋果日報 2020/01/19 00:15

年貨迎鼠年

抗暴之路漫長,平日光顧黃店餐廳之餘,其實選購新春賀年食物亦可支持黃色經濟圈。開業5年的「清心齋」屬街坊小店,80後老闆抵住家庭壓力,自6月以來堅持撐手足,她坦言最不能接受警察打醫護及記者,周梓樂身亡亦令她無法釋懷,「只係咁啱佢唔係我屋企人」,故無懼黃店被破壞威脅仍堅持五大訴求,今年市道低迷下其賀年糕點整體銷情轉差,但在同路人支持下意外受惠,顧客人數增加1至2成,「差咗唔緊要,咪賺少啲,(歸根究底)係邊個害嘅?」
記者 鍾雅宜 李思潁
「清心齋」80後老闆Cindy在家翁和家姑鼓勵下與丈夫開設素食店,至今已有7間分店,以往多做街坊生意,早前被網民列為「良心小店」,今年客人變得不一樣。該店屬少數有售傳統賀年食品的黃店,Cindy稱其出售6款糕點,款式不算特別,但均是師傅手造,蘿蔔糕及馬蹄糕尤其受歡迎,「出面店舖整馬蹄糕有時會落少少精油,但我哋師傅用新鮮馬蹄去整,帶到食物本身味道,食落唔會膩。」
Cindy稱因市道差,整體生意額較去年差,「以往每人訂5、6底年糕,而家平均每人買1至2底」,但客人數量反而有一至兩成升幅,今年年糕訂單約一半來自外來客人,估計因網上呼籲所致,期望整體生意額可與去年看齊。
近期不少店舖表態撐運動,被質疑是「偽黃店」,Cindy卻早於6月已罷市,7、8月遊行時曾提供救傷用品予遊行人士,屬較早表態的小店。Cindy笑言自己曾屬「港豬」一名,「以前我覺得遊行都唔一定會理你㗎」,但傘運令她醒覺,「點解可以無啦啦打人?記者又打、急救又打,一個文明的地方點可能發生?」
今年反送中運動爆發後,警方暴力再激起她不滿,「最嬲係『記你老母』嗰吓,接受唔到點解打記者」。她稱自己「膽小」,不敢上前線,但大型遊行必不缺席,亦用自己方式去支持,「會捐錢、畀食物支援」,其店則不敢高調,因為家人均持不同政見,自己屬「孤軍作戰」,「屋企人有時會落嚟睇舖,店面都無貼文宣,如果可以,我幾想當牆紙咁貼。」
將軍澳經常成為反送中戰場,該店幸未直接受影響,但「有同事住尚德,因為成街防暴返唔到工;有同事帶住個女出街,突然放TG(催淚彈),流鼻血流到開水龍頭咁,個小朋友做錯乜?」令她最痛是周梓樂墮樓身亡事件,她直斥是謀殺,即使事隔2個月,她說起仍不禁淚流滿面,「文宣講得好啱,只係咁啱佢唔係我屋企人……」
她指近數月自地鐵屢次封站後,市道明顯變差,「大家留響屋企唔消費,究竟係邊個害嘅?事實上係咪咁亂?我睇唔到有咩破壞係大過TG(催淚彈)嘅破壞。」黃店效應令她多了生意,「最誇張有個叔叔特登由元朗過來幫襯。」但不諱言運動下整體生意定有影響,「差咗唔緊要,咪賺少啲」,即使最後可能影響生活,但「(歸根究底)係邊個害嘅?」
除選購賀年糕點,近期市民亦外出辦年貨,但來港辦年貨的內地人明顯減少,本報早前到新城市廣場等巡視,拖篋到藥房購物的旅客明顯減少。沙田居民吳小姐稱去年到新城市廣場購物,升降機往往逼滿內地客,「好難入到去,但今年就唔見有」,行商場時感覺較舒服,但指香港社會氣氛、經濟環境轉差,減少她的購物意欲,料花數千元辦年貨,「今年慳住買」。
另一居民潘小姐指以往沙田廣場內都有大批拖篋客在藥房內掃貨,「星期六、日逼到行都行唔到,舖頭可能有10個篋喺出面,條路都俾佢哋霸晒」,今年明顯較少旅客,她預料將花兩、三千元辦年貨。
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此