王菀之(Ivana)、蘇卓航(Eric)同桂濱今日喺商台宣傳新歌《離遊記》，新歌MV好大製作，老公為MV做導演，Ivana仲請嚟中學同學桂濱為MV加入超高科技製作，Ivana話：「開心咗好多日，感覺好夢幻，同佢哋合作感覺好驕傲。」兩公婆合作，問Eric覺唔覺得老婆好難搞？Eric笑話：「唔難，唔理佢就得！拍攝途中，身為導演嘅要分得好清，佢係我嘅親人，有時會發出親人嘅說話、搞笑同搞搞震，我會唔理佢同唔睬佢。」Ivana就話：「好彩做演員好有經驗，要聽導演話，覺得佢好認真、有壓場感同好有氣氛。」

講到今次MV嘅製作費？Ivana就話舊同學畀咗個好大嘅折扣，由7位數字起步減到6位數字，而Eric就話自己好似同屋企掃地一樣，係普通事，但係今次拍攝期間兩位男士就好投契，仲當Ivana透明，Ivana話：「我已經慣咗。不過今次拍攝好似電影開工，團隊成員都係有經驗嘅電影班底。」

更多娛聞，喺晒《娛果》
http://fb.com/appledailyent