嶺南大學學生會今日與新任校董何君堯在諮詢論壇對談，充滿火藥味。有學生會上質問何曾自稱「社會工作者」，認為對方連語意也搞錯無資格當校董，何則回應稱「你點知有一日我唔會成為一個真正嘅社會工作者呢？」學生又叫他下台，何就用手指著學生說：「你唔係納稅人，有咩資格叫我下台？」他又多次叫學生「唔好鑽牛角尖」，強調自己獲委任做校董已成定局，「你返屋企讀多啲書先啦」。

論壇亦有談及學術自由。學術自由學者聯盟兼嶺大教授陳清僑透露，昔日教育局官員不會干預大學事務，惟早前港大發生洩密風波，教育局局長吳克儉即批評洩密者，加上曾有政府高官會接觸學校管理層，顯示學術自由的確受干預。

外界擔心何會干預學術自由，何回應指「平時我大把野做，唔通突然叫個教授比份卷我改，指手劃腳咩？」