現年98歲的賭王何鴻燊一直在香港養和醫院留醫，今日突然傳出賭王病重消息，指廣東政協及廣東省委統戰部正對其家人表示慰問。

二房女兒何超儀今晚近7時，乘坐七人車抵達醫院，她一落車見到大批傳媒守候，即問：「做乜影我，做乜影我？」記者指傳賭王病重，她輕鬆回應：「吓，我冇收過呢個風，我係喺IG睇到周柏豪入咗院咋喎。」問到賭王情況是否OK？她說：「冇嘢OK，多謝關心。」跟住便急急腳搭電梯探望賭王。《蘋果》記者今日亦有致電四太梁安琪詢問賭王病情，她聽後即說：「好多人打嚟問，你哋唔好再打嚟。」隨即掛斷電話。梁安琪女兒何超盈亦有回覆本報查詢說：「爹哋無事，多謝關心」。

何鴻燊的身體狀況一直備受關注，去年2月曾經傳出他情況轉差，要送院留醫，當時醫院的消息稱何鴻燊出現器官衰竭，但他現時的病情則無從得知，家人亦已有一段時間沒有貼出與賭王的合照。而對上一次已是2018年11月賭王生日當天，猷君將招股書給爸爸看，但去年底生日大家只貼蛋糕相，未見賭王近照。

採訪：羅慧敏
攝影：羅德光

-----------------------------
想知今年愛情事業健康運勢？
十二星座運程指南點擊即睇！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇