對於羅君左離世，一班《歡樂今宵》（EYT）的舊同事都深感難過。曾與羅君左合作無間的藝員鄧英敏，昨接獲好友死訊時十分傷感，其實他前晚也到過深切治療部探望昏迷中的羅君左。
鄧英敏昨日說：「當時佢口部插喉幫助呼吸，少少反白眼，但面容好平和，好似瞓咗覺。」可惜羅君左難敵病魔，鄧英敏認為天妒英才，「佢多才多藝，做戲、唱歌、司儀、畫漫畫、教配音乜都曉，但50鬆啲就要走，本來可以玩到快樂80歲，但老天爺要佢走，生命係唔可以控制到。」鄧英敏又大讚羅君左為人善良和健談，是個不可多得的好朋友。
盧海鵬則讚揚羅君左對工作積極投入，一班長輩都疼錫他，盧昨悲傷表示：「唉，啱啱知道。佢好積極工作，好鍾意做《歡樂今宵》，特別係鍾意扮嘢，好崇拜梅艷芳，阿肥（沈殿霞）嗰幾個都好錫佢。」