浪潮國際（596）喺三年低位，成交先嚟料，昅昅。浪潮啱啱嘅星期四以高近3000萬股成交，衝破三年底部嘅橫行頂，資金開始追落後，現價0.28元殘到不得了，NAV折讓36%，喺IT股中，浪潮折讓好吸引。
再講，浪潮揸住現金11.87億銀，減咗優先股債項6350萬銀，手頭淨現金高達11.2億銀，幾乎等於集團嘅總市值，係超級現金牛，好吸引。浪潮同好多IT業一樣，祖國經濟金融業唔掂檔，2012年半年度純利倒退咗七成，得番1048萬銀。但要咁睇，特別係下半年，祖國金融市場轉活，加埋阿爺實施「寬頻中國」工程，支持IT產業，浪潮嚟緊日子應該有運行。呢轉趁有勢跟轉，博浪潮升三成到0.36元，未有耐到NAV 0.44元。

有線寬頻（1097）今年6月底嘅現金達2.84億銀，銀行貸款得1億，有淨現金1.8億銀，又係現金牛，而現價0.43元，NAV折讓40%，有唔錯折讓墊底。上周五，城市電訊（1137）股價率先搶上，市場炒免費電視牌照，唔少得另一家孖寶──有線。呢轉博有線見0.50元，潛在回報率16%，亦係未有耐上到NAV，短打亦有魚有肉。

錢雋