周秀娜、張健聲、古天樂等噚晚到金鐘出席「香港影視界慶祝國慶晚宴」，娜姐都有騷事業線，佢笑話天氣熱，所以要騷兩手，同埋最緊要靚。娜姐講到遲啲會同旦哥鄭丹瑞合作拍新戲《小男人週記3》，佢就大爆旦哥安排咗場駌鴦浴戲份：「旦哥自導自演，我哋會飾演情侶，有床上戲、駌鴦泡泡浴，唔會尷尬，旦哥又高大又大隻。」

同場嘅張建聲染咗金髮同金眉毛到場，佢話係一個網劇嘅造型，會演一個心理變態嘅大賊：「好鍾意個劇本，用咗兩個月時間去睇，但睇完之後瞓唔著，因為價值觀扭曲晒，自己都諗使唔使睇心理醫生。o依家出街見到差佬都要避開，驚被查身份證。」