陳慧嫻豪放傻女
踢走阿Sa千嬅
陳慧嫻身穿熱褲和男舞蹈員大跳勁舞,一改以往乖乖女的形象。
陳慧嫻、蔡卓妍(阿Sa)、楊千嬅、梁詠琪(GiGi)、何韻詩、黎明、張敬軒、許志安及孫耀威等,前晚到灣仔演出「一起唱和精采40年慈善音樂會」,當晚不少歌手翻唱張國榮、張學友、梅艷芳及譚詠麟的金曲,掀起高潮。
在音樂會上一眾女歌星打扮密實,反而慧嫻則一改乖乖女形象,身穿熱褲大唱一連串勁歌,拗腰騷胸,踢腿時又露出打底褲,她更出手摸男舞蹈員大髀敏感位置,動作豪放,風頭即時蓋過一眾後輩女歌手。
阿Sa則選唱葉德嫻的《幸運是我》,她說因為覺得自己人生很幸運,記者笑問是否身邊喜歡的對象為她帶來好運?阿Sa笑說:「唔知呀。」會否帶幸運給拍檔鍾欣桐?阿Sa即一口說好。容祖兒早前踢爆阿Sa欲做紅娘介紹吳尊給她認識,阿Sa聞言說:「佢乜都爆出嚟,我只係介紹朋友佢識,但唔係想佢哋拍拖,不過我都想身邊人sweet,吳尊係幾好嘅男仔,總之想大家認識做朋友,祖兒激死我。」
GiGi表示近日忙於籌辦個人慈善基金,之前已自掏腰包花了數百萬在內地建學校,她直認自己有不少儲蓄。至於有傳GiGi和六呎猛男新歡看戲,GiGi說:「唔係新歡,6、7年嘅朋友,搞到佢俾人跟返屋企,好驚。」GiGi坦認有追求者,人人機會平等,不過自己則不急於結婚。
阿詩選唱了徐小鳳《風的季節》,為何不唱梅艷芳的歌?阿詩直言:「佢離開之後都冇唱過佢嘅歌,甚至連佢最後嘅演唱會都冇翻睇過。」對於好友陳文媛傳在美國生BB,阿詩說:「吓,唔知喎,佢唔喺香港,近半年都冇聯絡,不過以我同佢嘅友情,如果佢生BB一定同我講。」
問到安仔在即將舉行的東亞華星演唱會上,會否和舊愛鄭秀文合唱《其實你心裏有沒有我》?安仔說:「我都想唱,成15年冇唱過,呢首係好特別嘅歌,我會尊重首歌。」是否怕唱這首歌會很大感觸?安仔表示唱任何一首歌都有感觸及畫面,而這首歌感觸更大,問到腦海是否出現廚房畫面?安仔笑說:「柴房好唔好?」
採訪:駱華齡
攝影:陳順禎