羅蘭姐同胡楓（修哥）噚晚喺將軍澳出席仁濟醫院「一個世紀的約會晚宴」，喺現場同長者分享養生之道，修哥話：「唔知道自己有冇養生之道，講幾句啦，自己會做運動同注意飲食，同埋保持心境開朗，做人唔好太執著。」修哥仲話做長者嘅千祈唔可以懶，自己就成日行路，有時仲會走路。而羅蘭姐就好認同，亦都話最緊要係做運動，佢話：「瞓醒咗就會拉筋，踢腳50下，喺床上面或者坐喺度做一啲拉筋動作。」

現場有7位100歲嘅長者，其中有一位仲係一百114歲嘅人瑞，修哥聽到之後話：「嘩！真係要問吓點樣養生先得。」問修哥會唔會約羅蘭姐一齊做運動？修哥話：「唔得，我行路行得好快㗎。其實我平時都會約啲朋友呀，孫、曾孫同仔、契仔契女去飲茶，呢個係我嘅指定動作，食晏，傾下偈賞心樂事。」

精選娛聞，喺晒《娛果》
http://fb.com/appledailyent