當年今日

否認變相減薪責舊員工中傷
沈德寶莉美容院生意差裁員

蘋果日報 2002/01/01 00:00


本報記者昨日接獲報料電話,指健美界名人沈德寶莉的BodyByDeborah未經員工同意,向他們實施減薪制度。沈德寶莉昨日回應稱此謠傳乃被解僱的員工所為,並強烈否認此事,但她坦言近日解僱了一些員工,亦承認公司生意較前差。
本報記者昨日接獲讀者電話報料,投訴沈德寶莉(Deborah)未經員工同意,近兩、三個月在公司實行新制度,扣起員工三成薪金,當作是借給公司的款項,亦即變相減薪。

掃除公司瘀血
Deborah昨日在電話回應說:「公司內部嘅事同制度,我唔方便講。但係我想講,啲人要投訴,做乜唔去勞工處,反而要搵你哋(指傳媒)?我承認近日係解僱咗一啲員工,佢哋本身質素唔好,係有問題嘅,成日無故放假,做嘢又唔好,我估計係有人為此唔服氣啦!」
Deborah續說:「嗰啲人中傷我,原因好簡單啫,因為我有知名度,我沈德寶莉個名多人識吖嘛,根本由頭到尾冇變相減薪呢件事。」

一起共度時艱
記者問Deborah,其公司BodyByDeborah近來的生意額如何?她說:「如果我話畀你聽生意好過九一一嗰陣,你信唔信吖?我覺得嗰啲人單方面咁講呢件事,對我好唔公平,嗰啲staff好evil(討厭),我嘅壓力就係來自佢哋!喺𠵱家咁困難嘅環境,大家應該齊心啲,一齊共度時艱嘛!」
昨日記者往位於銅鑼灣的BodyByDeborah巡視,訪問了一些員工關於變相減薪這件事,他們皆稱沒有這件事,但在美容健美中心當眼處,則張貼了大減價的優惠海報,只要付出一千八百元,便可在中心任意使用服務達三個月之久。
採訪:KittyTai、WongChingMen、HeidiYip、JessicaNgan、DebbieLum、StephenieYeung
攝影:HoKwokHo、RickyChan、LoTakKwong