遍地黃金就是如此,肯度肯諗,各行各業都可以成立節日,促進行業的營業額。如果我是賣波衫,求神庇佑陳七、英雄輝在下周二為香港隊戰勝中國隊,然後旋即鼓吹「11月17日」是「港隊足球紀念日」,以後每年這天,港隊2015年版波衫便可復刻再復刻。
有些地方節日持續多天,好似每年9月尾到10月初是德國啤酒節。如果是中央,或許希望每年6月底至7月初是香港旅遊節,持續十幾日的節日並不是吸引遊客訪港,反而是柯打旅行社、航空公司推出10蚊、百蚊飛邊飛度的fanfares機票,引走部份追崇民主的八九十後,繼續沉醉東瀛韓風。持續地搞慶回歸蛇齋餅糭跳老舞活動,看得久,看到想嘔。
世界各地都有自己發起的節日,香港呢?作為《蘋果》記者,去年9月底佔中正式啟動,10月《蘋果》被圍,公司上下力抗藍絲來犯,勢將新聞、報紙出街,明年以至後年,佔中特刊翻出又翻出,但願不要被玩具商騎劫推出橡膠子彈連催淚彈優惠套餐。有些事情,講一次無人信做到,如果講一百次,一千次呢?堅持,終可成功。
記者:陳家雄