以空手道為題材的ViuTV電視劇《打天下》，早前到沖繩完成外景拍攝，今晚於尖東舉行煞科宴，一眾出席演員包括歐錦棠、文頌嫻、談善言、張建聲及Anson Kong等。

歐錦棠與文頌嫻相隔17年再度合作，上次合作是《烈火雄心II》，今次二人飾演夫妻，文頌嫻表示感激歐錦棠信任，初時擔心自己長時間沒拍劇而生疏，文頌嫻說：「棠哥幫我對戲，佢嘅演技差啲令我喊出嚟，又為咗我容易適應，陪我拍多兩場戲先，令我安心，而整個拍攝又唔使我開夜班、通宵班，可以俾我照顧7歲嘅女，因為我好少離開佢。」

文頌嫻表示，自己身兼女兒的補習老師、司機兼保姆，所以不能出埠太久或通宵不回家，對劇組的遷就非常感動。歐錦棠指文頌嫻對導演的挑剔要求也交足貨，他說：「導演特登跣文頌嫻，要求佢2秒做3個表情，但佢唔會問點解，一秒照做幾個複雜表情，簡直係戲精。」歐錦棠笑言與文頌嫻再合作令感情昇華。

談善言在拍攝前跟歐錦棠學習空手道兩個月，現稱對方為師傅，她說：「喺劇中好多打鬥動作，自己拍兩日已經拉傷，好彩冇流血，好多場戲都要打人，有考慮做動作演員，因為我打贏香港冠軍（歐錦棠曾奪兩屆香港全接觸空手道冠軍）。」

採訪、攝影：張明

-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇