剛周日（10日）的香港國際賽事，馬迷再一次見識中東油王高多芬陣營遠征馬嘅實力有幾高，雖則藍營冇喺當日高舉任何獎盃，但名下嘅「攻心如焚」能夠成為香港瓶亞軍，算是有所交代。

講起高多芬，記得其澳洲分部曾作出人事調動，與奧詩和平分手後，就換咗白德民暫代一陣，之後落實由澳洲傳奇練馬師甘明斯嘅孫甘敏斯走馬上任。

結果呢位名人之後冇丟阿爺嘅面子，唔單止接任第一日火速開齋，三個月後再憑Alizee攻下三歲一級賽航班錦標（1600米），並於上周六（9日）為高多芬在短短半年間，贏到第100場頭馬，反映呢位少帥練馬實力唔差。