李質疑馮身為校委會本科生代表也有份投贊成票，「開會全體一致通過成立review panel，佢都可以話畀學生聽唔成立review panel，呢啲咪又係大話囉」。他再指摘馮去年簽署保密協議，卻開記招爆校委反對陳文敏任副校的發言，「漏晒我哋所講嘅嘢，呢個係咪講大話？」
馮稱校委會同意成立小組只是大方向，時間表等細節全部欠奉，與已經成立小組有別，而李國章會上不同意即時成立小組，也不願在該會議上討論時間表。馮本人認為若然兩個月後真的可成立小組是合理安排，然而同學的擔憂正在於校委會有「等埋首副」前科，今次不希望「等埋教資會報告」。他未能在會內為同學爭取，惟有在體制外推動。他又批評港大校委會在會後發聲明稱「一致同意成立專責小組」，令公眾產生錯覺，以為小組已經成立。
教職員校委代表張達明也質疑李扭曲馮言論，據他所知馮是指校委會不同意即時成立小組，李卻指馮稱校委會否決成立小組，「你（李）扭曲咗馮同學講嘅嘢，然後話佢係大話精，呢種講法唔公道」。
■記者白 琳