當年今日
關於我們

【引渡惡法】監警會前主席翟紹唐質疑修例無迫切性 引述領事憂商界誤墮法網

蘋果日報 2019/06/06 11:57

翟紹唐逃犯條例

向來較少就政治事件評論的資深大律師、監警會前主席翟紹唐,面對法律界幾乎一致認定有問題的《逃犯條例》修訂,亦罕有開腔評論爭議,質疑修例不具迫切性。翟紹唐今早出席一論壇時表示,個人認為可以一個適當方式處理《逃犯條例》修例,現時的質疑是:「呢件事有冇需要咁迫切?係要用呢個方式?係咪真係需要咁趕呢?」他說:「既然我哋回歸咗廿幾年都無做呢樣,係咪真係有咁迫切嘅需要,要用而家嘅方式、要用咁緊張嘅時間,引起咁多公眾嘅關注?係咪需要繼續向呢個方向前進呢?我諗真係大家要諗諗」。他指政府雖然多次解釋,但他的觀感是外界至今「反應唔係咁正面」,「希望政府可以做多少少工夫啦!」
翟紹唐強調自己不是刑事法專家,認為兩大律師公會均已對修例表達擔心,他最擔心今次修例「(令)越來越多人會覺得,係將香港嘅法庭擺上枱,將香港嘅法庭,可能喺無論點樣判嘅情況下,都係有政治方面嘅迴響」。他直指香港法庭的司法獨立及公平沒有出現問題,指香港的司法獨立一定是全世界最好之一,「係咪有需要將一啲好可能會引起公眾關注嘅情況都交畀法庭處理?咩都交畀法庭處理,咁好容易影響公眾對法庭判決。會唔會(令人)係有質疑,因為一啲政治性嘅問題,唔係一啲法律性嘅問題(申請移交)?呢個我哋要小心去考慮」。
他透露有外國領事曾向他表示擔心修例,憂慮在不熟悉內地和其他地方的司法制度情況下,外國商界人士「會唔會犯咗一啲,尤其經濟嘅罪行,(而自己)都唔知發生咩事」。至於是否要擱置立法,他稱「呢個等政府去諗諗」,重申個人認為要考慮是否有迫切性,指政府現時要褪軚或有困難,「咁但係有乜可以兩全其美嘅方式?我都希望大家可以諗諗」。
問及內地司法制度是否有問題,他稱相信很多香港人都習慣香港現有的自由、司法獨立制度的好處,對其他地方的司法制度或有質疑,並非只是針對內地司法制度。而由於有工作在身,他稱不會參加今下午法律界黑衣遊行及6.9的民陣發起的「反送中」遊行。
彭韻僖拒透露會否參加法律界黑衣遊行
向來被指作風保守的香港律師會,昨日就《逃犯條例》修訂發表措詞強硬的意見書,指特區政府應該擱置立法後,該會主席律師會主席彭韻僖今早出席監警會活動,被問到有關修例的問題時繼續封口,只說:「我哋答哂你哋㗎嘞,無嘢答嘞!」她亦拒絕交代會否參加法律界今晚發起的遊行,快閃離開。
終審法院非常任法官鄧國楨出席同一論壇時被問到《逃犯條例》修訂意見、以及有法官匿名受訪表達對修例憂慮時,他解釋自己仍是非常任法官,不便作出評論。
民陣6.9反惡法遊行
日期:6月9日(日)
集合地點:維園草地
時間:下午2時30分集合、3時正起步
遊行路線:維園草地遊行至金鐘添美道立法會
-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
empty
董立華攝
empty
翟紹唐(中)稱,最擔心令越來越多人覺得今次修例是將香港法庭「擺上枱」。董立華攝
empty
彭韻僖仍拒透露會否參加法律界黑衣遊行。董立華攝