由木村拓哉主演嘅朝日電視劇《BG~身邊警護人》，拍住江口洋介、齋藤工、石田百合子、菜菜緒等陣容，加上又有山口智子、萩原聖人等客串，昨晚播出嘅第9集大結局，就有殿堂級歌手矢澤永吉登場，關東地區收視上升至17.3%，創下開播以來最好成績，瞬間一度飆升有22.3%。收視。

雖然木村被指演技亳無突破亦冇驚喜，但《BG》全9集平均收視有15.2%，比起佢上套為朝日台拍攝嘅《I'm home》錄得嘅14.8%平均收視已較理想，有劇迷期待期待《BG》會添食拍續編或電影版。

至於深田恭子夥松山研一合演嘅富士劇《鄰居家的月亮比較圓》第9集同晚播出，劇集描寫佢哋呢對夫婦面對婚姻及生B煩惱，呢集有《我想吃掉你的胰臟》嘅小鮮肉男星北村匠海上演男男出浴戲，佢同真島秀和扮演一對相差近20年嘅同性戀人，收視比上集微升0.4%收6.9%，下星期將播出大結局。

更多娛聞，喺晒《娛果》
http://fb.com/appledailyent