吳彤噚晚喺旺角舉行迷你音樂會，好友朱紫嬈同鄧子茵都有撐場。吳彤喺情人節前一日生日，朱紫嬈送上黃水晶招財樹，吳彤接禮物時差啲失手跌爛，十分驚險。

吳彤透露圈外女友送咗個1950年製造嘅古董手風琴畀佢做禮物，又親自下廚，令佢好感動，佢話﹕「女友仲讀緊書，平時好慳家，送咁貴禮物都戥佢肉赤。」

另外，朱紫嬈被問情人節會唔會約會緋聞男友洪杰？佢避而不談話﹕「約咗舊同學聚會，但佢唔係我舊同學。」