當年今日
關於我們

【型男字典】聖誕派對吸睛戰衣 天鵝絨質地最搶(BH)

蘋果日報 2018/12/21 08:00

聖誕派對天鵝絨investMAN型男字典BH

下星期就係聖誕節,之後又到除夕,準備迎接2019年。每一年,我都很期待這兩個節日,因為喺呢段時間除咗可以同心愛或重視嘅人一齊度過之外,亦可趁機回顧及檢討自己過去一年的成績。當然,一連串的Party亦唔少得,但如果大家到咗今日仲未準備出席Party嘅戰衣,唔緊要,睇完仲有時間準備!
喺呢啲普天同慶嘅節日出席Party,首先唔該放低你平時週一至週五日日着住嘅黑灰藍西裝!因為喺呢個機會,梗係要嘗試一下不同顏色的配搭,咁樣靚女們才會留意到你的存在。而為咗配合聖誕節,大家不妨運用多啲紅色、綠色嘅元素,因為只要你搵到呢三種顏色配搭的方程式,你一定會愛上!但事先聲明,我無教你哋着到成棵聖誕樹咁!
假設Party場地屬私人會所或酒店BALL ROOM。它們的級數都有分高低,如果越高級的酒店,要求的Dress code當然越高。一身Tuxedo視人是基本,但其實除了黑、藍、灰的傳統禮服之外,其實質地上仲可以試吓velvet,顏色可建議墨綠色或酒紅色,因為這兩隻色都同樣代表了聖誕節,而且天鵝絨的質感細緻柔軟,以及十分有光澤,spotlight打落去即刻可以成為全場焦點,望上去也十分雍容華貴,係一個唔錯嘅選擇。
總括嚟講,清新舒服的墨綠色與高貴典雅的天鵝絨配搭,可打造出寧靜知性的貴族質感;成熟迷人的酒紅色與柔軟細緻的天鵝絨結合,猶如紅酒般散發出香醇誘人的男人味。
另一方面,如果場地不需要太講究,例如是一個朋友的gathering或公司party,咁就可以dress down一下。不過,仍然要注意自己嘅身份和格調,尤其是專業人士,可以穿着得低調但又不失品質美。

Throttle Plaid的綠色格仔絕對係一個為聖誕節而設的花紋,格仔當中有一點藍色和綠色元素。在配搭上,墨綠色的BLAZER下身可以着返條「萬能Key」─ 灰色flannel褲。但千祈避免上身綠色下身配啡色長褲,如果唔係就會變身成為聖誕樹!
最後,不論你們是否滿意自己過去一年的成績表,也係時候慶祝一下過去呢一年自己的努力,好好享受餘下的2018年。同時,也預祝各位Merry X'mas同埋有一個豐盛的新一年!
文:BH
九十後訂製西裝店店主,自少酷愛時裝,曾到意大利,英國和日本遊學鑽研西裝文化,但堅持傳承香港老師傅工藝。
investMAN
For People of Style & Substance
掌握理財智慧 感受生活品味
http://facebook.com/investMAN.hk
empty
Throttle Plaid的綠色格仔絕對係一個為聖誕節而設的花紋。
empty
成熟迷人的酒紅色與柔軟細緻的天鵝絨結合,猶如紅酒般散發出香醇誘人的男人味。