期指結算在即，淡友昨日終於展開攻勢，在期指帶動下，港股大跌157點，收13562。
恒指昨出現向下突破走勢，4月至今的短期升軌（昨上移至13650）宣布失守，短期下試13400-13300底部支持區的機會壓一，至於會否插穿，則要看會否有利淡消息配合，手上持有P輪可分段食胡。
5月港股牛皮悶局，趙飛雲和很多散戶一樣，都是一籌莫展，昨日終於掌握到一個較佳出擊機會，早市在0.072元買入球半中移動P輪3761，尾市在0.082元沽出80萬份食胡，70萬份持貨過夜。另在0.155元補回50萬份恒指P輪4858，隻輪最高見過0.173元，收0.17元。
至於近日推介的新地P輪4765，昨日亦升17%，收0.34元，但由於太多目標，所以並無買入。另一原因是此輪近日收水收得不合理，有其他對象當然暫時唔揀佢。但以數據論，10月初到期，行使價74元，溢價2.6%，槓桿率21.3倍，有效11.4倍，引伸波幅16.9%，如果新地（016）繼續向下，又冇理由唔揀佢，令人又愛又恨。