哥迪奧拿玩謙虛 「我做球員都踢唔到呢隊曼城」
英超曼城巴塞隆拿西班牙哥迪奧拿英國足球
【新增影片】
曼城領隊哥迪奧拿話,依家呢隊破晒紀錄嘅曼城實力之強,連自己仲做緊球員果陣都無本事踢。
曼城今季喺英超連贏15場之後,打破咗英超紀錄,依家喺聯賽榜領放。雖然哥迪奧拿自己踢波果陣幫巴塞隆拿贏過六次聯賽冠軍,又捧過歐冠盃歐洲盃賽冠軍盃,但呢位前西班牙國腳仍然好謙虛咁話,自己無可能喺呢隊曼城有正選。哥帥話:「真係無可能,費蘭甸奴勁太多、太多喇!」
被問到依家喺榜首領先11分嘅曼城,係咪可以複製、甚至成績上超越阿仙奴喺2003/04嘅不敗球季,哥迪奧拿又係一味「耍手擰頭」。佢話:「呢個係唔會發生㗎,我哋總會輸波,呢個紀錄係屬於雲格嘅。依家發生緊嘅已經係一個例外,係唔正常,我哋會努力去維持,但曼城始終會輸波。」
--------------------
球迷一定要知!英超一哥曼城,已經登陸『BFB』!登入即送藍月球星: http://bit.ly/2AAiPDS