上次說UNIQLO試行每周四天工作，為員工帶來更平衡的生活，Mary舉腳贊成，我想要這樣愛護員工才配被稱為良心企業吧。
今天又想起Toms Shoes創辦人Blake Mycoskie的豪情壯語。
他是支持男士侍產假的先驅，認為所有爸爸都應該享有三個月侍產假，而且不是空口講白話，幾個月前做老竇，就真的放了12個星期假。有人挑戰他，問他如何一邊換尿片，一邊帶領公司向前，他會毫不猶豫告訴你：「根本不能不休假，做爸爸的，如果不獲批假，或選擇不放，他會攰，會分心，隨時做錯決定，而且一定會內疚！」

一盤生意演變成社會運動

千祈咪以為冇咗你唔得，其實Blake事後回想，這三個月，令他成為一個更好的爸爸、丈夫，以至行政人員。
如果你唔熟Blake和他的社企Toms Shoes，只須記住一句「One for one」，這位天生的創業家，2006年去阿根廷旅行，發現原來好多細路仔無鞋着，於是決定創辦社企，講明賣一對招牌帆布懶佬鞋，就捐一對畀窮國孩子，哪知一下子就熱爆，由一盤生意，演變成一場社會運動，至今已捐了4,500萬雙鞋；後來又發展到賣一副眼鏡，就幫一個人矯正視力，至今全球32萬人受惠；去年開始賣包包助孕婦安全產子，仍是奉行One for one。
最新近要幫的是校園欺凌，對應產品是背囊，上網看過，都幾靚喎，可以成為帆布鞋以外，又一潮物。唔知遲啲Pedder Red有冇得賣呢？一個意念，一盤生意，就這樣子幫了無數人，兼且被奉為商業奇才。這位Blake，今年39歲，在Toms Shoes的正式職銜是CSG── Chief Shoe Giver。

彭瑪莉
mailto:[email protected]