今日由Rain、李敏貞等主演嘅SBS新劇《回來吧大叔》喺首爾舉行發佈會，劇集將於下周三首播，到時更會對撼宋慧喬同宋仲基主演嘅KBS新劇《太陽的後裔》，由於兩齣劇都推有強大陣容，所以雙方近日已各自發功力谷新劇。

眼見今日《回來吧大叔》先舉行記者會，《太陽的後裔》亦即公開劇劇中兩大美女宋慧喬同金智媛嘅最新劇照，佢哋着住手術裝嘅制服各自倚窗沉思，各有各美麗。喺劇中，喬妹同金智媛之間有過唔愉快嘅經歷，之後佢哋就喺海外協助地震救災嘅現場重遇。同時劇組亦於噚日公開咗宋仲基同陳久着住軍人服飾嘅劇照。