練馬師姚本輝於昨日（29日）晨課緊張完四戰未甩過Q的「財高八斗」後，今朝（30日）又出現同類鏡頭。

輝哥無論在機坪踱步或出圈前，前前後後跟到實一實，神情咁緊張，話唔想贏，就真係講大話，想呃咁多位馬迷啦。

出戰第十場三班1200米賽事的「財高八斗」，近三仗皆負於強手屬非戰之罪，今仗首次換上意大利騎師李寶利一試，加上見到姚本輝連續兩日都咁緊張呢匹馬，隨時有力交出佳績。