在大溪地出生的官恩娜，前晚偕名模Rosemary及周倩圯到中環蘭桂坊，示範周大福旗下的大溪地黑珍珠首飾，Ella更先後佩戴兩套價值共逾百萬的首飾。Ella表示戴大溪地黑珍珠時大為感動，還說：「爹哋以前係做珍珠生意嘅，如果唔係我都唔會喺嗰邊出世。」

Ella笑言從未收過男士送黑珍珠給她，最多只收過幾粒「鑽石仔」，她說：「如果識得送珍珠畀我嘅男仔一定好了解我！」續問她緋聞男友吳卓羲有否送過珠寶時，Ella抗拒地說：「唔好講人啦，雖然公司冇鬧，但都費事講佢咁多啦。」
此外，最近有雜誌報道謂寇鴻萍的女兒吸煙又講粗口，更屬女同志身份，前晚寇鴻萍謂：「阿女已經第一時間同我道歉，仲話：『媽咪，對唔住，連累埋你。』佢仲話畀人寫係女同志真係唔抵，驚第時冇男仔追。其實個女所有朋友我都見過，仲試過同佢啲朋友落disco玩呀！」
採訪:王祟穎
攝影:陳志嵐