「以前我都可以推部輪椅，但呢幾年隻右手愈嚟愈冇力，治療師重話我體能唔夠，淨係平路勉強都重推到幾步，但係上斜就完全控制唔到，試過喺屋企附近嘅斜路翻車，撞到個頭，好彩冇乜事，所以𠵱家去邊度都要靠阿媽推我；佢年紀又咁大，真係好辛苦。」孝順的阿玲愁眉不展地道。
年邁母病無力相助
七十年代初期，她隨父母及其中五名兄姊從南洋移居香港，父親來港後因肺病去世，遺下母親含辛茹苦養育他們。身為家庭經濟支柱的玲母黃太，為了生計，曾從事電子廠工人及製衣廠技工，每月賺取微薄收入養家。近年，子女均成家立室相繼遷出，遺下她與阿玲相依為命。
曾在職業訓練中心修讀電子課程的阿玲，畢業後，便在電子廠從事打字員工作。三年前，因為公司北移遷往內地發展，她遭裁員。失業後，她一方面到勞工處登記找工作，另一方面，她亦不時在家中兼職打字，賺取數百元外快，幫補生計。受經濟不景影響，自去年開始，她便再沒有收入。自其母退休後，她們便依靠僅餘的積蓄維生，須節衣縮食過活。
患有高血壓及貧血的黃太，除了照顧阿玲的起居飲食之外，亦要接送她往返醫院覆診，白髮蒼蒼的黃太無奈歎道：「咁多年嚟佢要參加咩活動都係靠我推住部輪椅，不過呢兩年推得比較吃力，因為我膝蓋成日風濕痛，根本企唔得耐，次次上斜路要扶起佢同埋部輪椅，覺得好辛苦；𠵱家每日買餸都係使十幾蚊，生活真係要好慳，𠵱家啲積蓄都差唔多用晒，可能遲啲都要攞綜援，重邊度有能力拎幾萬蚊出嚟買部電動輪椅吖！」
坐在媽媽身旁的阿玲期盼說：「若果有部電動輪椅，除咗唔使阿媽推得我咁辛苦之外，我可以自己周圍去買吓嘢，或者第時搵到份工要搭巴士返工，出入都會方便好多。」