為咗約王迪詩食飯，喺免費報紙登廣告嗰位「浪得虛」先生，終於等到毒舌才女回應。話說王迪詩喺自己個專欄詳列赴約條件，包括要浪生用王迪詩名義捐出300萬銀。可能浪生想慳返登廣告嘅錢，所以託華華轉載佢封回信，但千叮萬囑要華華原文輯錄，華華為成就呢樁「金融圈美事」，照辦（見圖）！
其實浪生封回信大意係，收到王迪詩嘅回應，感到「悲欣交集」，但要做齊伊人嘅條件，認真天方夜譚。
浪生更為有人猜想佢係游清源一事作出澄清，並謂登報邀約食飯，並非為名為利。
睇完浪生嘅回信，華華最高興係，估中咗「浪得虛」嘅歇後語係「無名」。皆因浪生話，用「無名」約王迪詩，係取材自張藝謀執導嘅電影《英雄》裏面，由李連杰飾演嘅「無名」刺秦王嗰一幕。「無名」嘅精神，就係明知死梗，仍有膽去做。
華華好佩服浪生「知其不可而為之」嘅精神，但寄語佢一句，王迪詩有毒舌才女之稱，閣下亦唔使「以毒攻毒」，人家婉轉拒約，閣下亦應保持男士風度！

DearDaisy,
讀了你周六洋洋數千字的回應，未知能否分我2%稿酬？套用弘一法師涅槃前之四字真言：「悲欣交集」。
悲者，對於幾歲便看老夫子長大的人，你開出的條件，我壓根兒看不懂。欣者，幸好你的偶像不是三島由紀夫，否則要我找他聊天，只能切腹後從ICC一躍而下。除非我是司徒法正。
其實，事情簡單不過，Daisy於我，就如村上於你。我只真誠地想和你見一下面，就如十年前想見王菲。如果同枱食飯都需如此這般，恐怕你會餓死，食自己除外。
有人說我自我造勢，甚至猜我是游清源。實情賣文者只有兩種，一曰為名，（同義詞：為興趣，為理想）。一曰為利（同義詞：窮）。我既不為名，亦不為利，遊戲文章，只買不賣。
雖然你曲線拒約，間接令我弱小心靈跌穿365天平均線，自尊心跌停板，但無論如何，能在你生命中佔了0.1秒，我深感榮幸。
至於我為什麼用「無名」去約你？張藝謀執導的英雄，裡面有一幕「無名」（李連杰飾）刺秦王，啟發了我取用了這個名字。「無名」的精神，就是明知死梗，仍有膽去做！
所以我是由衷地敬佩梁振英和唐英年（排名有分先後）。他們都是「無名」！
最後，祝福你將來有美滿婚姻（ifany），不會有人願意捐三百萬，目的就是毋須繼續和你食飯，順祝你的寫作事業，好快賺夠一兩億。
就算將來唔響度，留俾仔女既，都係一份心意。
如果回心轉意，請覆email:[email protected]
浪得虛
PS.廿多年前，曾經有個小女孩在我面前拉奏SaluteD'Amour，那時候，她尚未明白樂曲的含意...

李華華
mailto:[email protected]