【更新：新增短片】
雨傘運動期間經常於「佔領區」獻唱的音樂人「香蕉奶」（岑瑋倫），近日被網民批評借雨傘運動「上位」，以及「消費」雨傘運動籌款出唱片。香蕉奶今日出席由中大文化與宗教研究系文化研究部主辦「雨傘節」活動後，被記者問到對連串批評有何回應，他表示從無標榜唱片與社運有關，而且「政治一直係我哋社會上發生緊嘅事，好難撇清，尤其我呢身份以後好似都會同社運掛上一個等號咁，所以唯有抱住呢個精神去做一啲認為啱嘅嘢」。

至於會否因為批評聲音而有所調整，香蕉奶以「雨傘節」為例，形容「有一浸左膠味道」，但「諗唔到有乜嘢原因唔嚟」，他說：「如果我呢一刻唔嚟呢度，我就好似否認緊我當初喺金鐘唱歌個50幾日，我究竟為乜嘢而唱呢，如果我仍然記得我喺個度唱嘅話，我仍然可以喺唔同場合抱住呢個心態繼續唱」。

香蕉奶表示，社運光譜中總有不同程度做不同事的人，「作為一個你哋口中嘅左膠，我唔會去批評啲熱血嘅人，掉返轉頭其實大家係要多啲去包容唔同嘅聲音，外來反對聲音已經好多，自己再內戰嘅話唔係一個健康嘅現象。」

同為推動運動作出貢獻，學舌鳥成員阿修日前亦被網民批評藉學運上位，是「抽水」及「膠化社運」。他為《雨傘日》作演講時直言到場的都是左膠，認為路線之爭並無意義，大家只是各司其職。

阿修指自己拍片並非為社運，而是想以短片帶出背後的訊息。他表示，社會上有一群人有「潔癖」，認為社運不可以與金錢有關，「其實搞社運要錢，搞乜都要錢，要睇係咪用得其所」，重申自己參與任何與運動相關工作都不會收取酬勞，「但如果因為雨傘革命而出名，就唔可以賺錢，唔可以有名唔可以有利，咁唔Fair囉。唔通我以後唔賺錢咩，唔通以後唔拍電影咩，咁唔可能架嘛」。