黃曉明事業愛情兩得意，繼去年憑《中國合伙人》金雞影帝後，再下一城，前晚喺蘭州再憑該戲摘下百花影帝。

頒獎禮結束後，曉明喺酒店與記者﹑演員及導演食飯慶功，曉明心情興奮，就連以往很少談及嘅結婚一事，佢都冇乜避忌，仲話自己睇完《親愛的》之後，特別想要個囡囡。

記者問到由去年到今年一下子拎咗四個影帝殊榮，咁會否趁機將婚事辦妥？曉明表示：「我現在還不確定，但（結婚）應該就是明年或者後年的事情，總之不會超過四十歲。」曉明今年快將37歲，咁佢即係嚟緊3年內將迎娶女友Angelababy。

另外，曉明睇咗電影《親愛的》之後，特別想要一個女，佢話：「我想要女兒，趙薇的女兒就是我的乾女兒，我覺得她實在太可愛了。我要是有一個女兒，我會非常非寵她，我身邊的人都覺得我會把女兒寵壞的。」

曉明仲話女友Baby都鍾意女兒，佢話：「Baby在他們家裡擔的責任很重，她家條件不是特別好，還有一個弟弟在讀書，她爸媽現在也沒再工作，所以很早之前她就已經開始養活一家子人，她一直覺得女孩子也可以為家裡人撐起一片天。」

曉明續說：「我有一種預感，當我有了孩子以後，我的人生會更上一個層次，當男人有了一份責任，有了擔當之後，這個男人會更有魅力。」