要數今年最受歡迎年宵攤檔，一定係「CandyHouse」。憑超巨型佈景板，加上一系列「甜到漏」的糖果造型咕臣，成功奪得一眾女士芳心，令「CandyHouse」短短五日內，已錄收入達60萬元。

以CandyHouse皇牌綿花糖攬枕為例，原價售328元，至年宵第四日，有見已賣出七至八成貨，攤檔即時加價至388元，至年三十晚，即使加價至688元亦全數沽清，可見CandyHouse今次成功扑中市場。

雖然營業額驚人，但CandyHouse發言人黃汝灝卻表示：「其實今次可以打番個和，已經執番身彩。」他指出，今次投資成本高，單是四個攤檔投標已花13萬，4500個咕臣來貨成本30萬，加上所有大型佈景及雜費涉資12萬元，七除八扣後，實際盈利僅約5萬元。

他承認今次盈利比預期少，汲取今次經驗後，假如明年再戰年宵，將會重新調整入貨策略。他透露，綿花糖攬枕成本價100元，因此以328元定價絕非暴利，「依家人仔又貴，仲有運輸呢，下次同廠傾嘅時侯要再壓低啲個價。」