對上兩期六合彩頭及二獎均懸空，由於今日（29日）沙田馬場有馬跑，故今年最後一期六合彩(第149期攪珠)，將於明晚（30日）開獎，有2,524萬累積多寶，馬會估計頭獎基金可達3,200萬，截止受注時間為當晚9時15分。

這次到底揀邊類冧巴有助標尾會？最近三期的開奬號碼總和順序為207、175及139，越來越細便知今次揀細冧巴有着數；個位數在第140期落空後，至今直落八期均見它們入圍，足證今期宜在1至9之間揀心水。

其中3個細冧巴1、4、8便值得重視。早前1久未攪出，但在第142期重開後，跟住亦於第144及148期再開，明顯已轉旺要秤先。此外，4在近四期三度開出，近績佳也不能錯過。

近排不時於同一期攪出多個紅波，再加上近兩期它們越開越多，表現出色值得優先捧場。十七個紅波中，8最近頻開及試過相隔三期開出，至今又三期未見後，信攤路是時候重現眼前。