台灣藝人陳建州（黑人）同范瑋琪兩公婆結束美國度歲兼睇NBA全明星賽之旅，連日來佢哋不時於微博匯報行蹤，等大家知道吳尊﹑潘瑋柏同彭于晏呢啲台灣型男，都喺嗰邊一齊睇波﹗

旅程尾聲時，范范就同好姊妹Selina繼續食食食，今朝范范上載一張同Selina嘆窩夫嘅相，而黑人中午時份就上載嘆牛扒相，睇嚟佢兩公婆去完呢程Trip返台灣後，要好好減肥先得﹗

另外，向來Man爆嘅黑人搞笑披上大條類似披肩嘅嘢上身，再擺出「嬌俏」表情，其實都...OK難頂，佢仲留言話：「范范幫我拍的...她說我有毛病！哈哈...」之後佢哋又扮夫妻西部牛仔，范范就話：「我喝醉了，變成牛仔Jesse了。」