【涉搶手機】遭建制圍剿 許智峯料道歉
許智峯梁美芬葛珮帆
民主黨立法會議員許智峯昨日被指搶保安局女職員手機,不滿該職員手機藏有大量立法會議員個人私隱,涉嫌違反私隱條例後,大批傳媒今日均在立法會走廊等候許智峯現身回應事件,但許智峯至今未見現身立法會會議。有民主黨議員指,許智峯將於今日下午交代事件,今早黨團亦已討論事件。據了解,該黨已決定就事件「止血」,許智峯極可能下午就事件道歉。
民建聯議員「元秋」蔣麗芸今早現身立法會時,對許智峯事件表現雀躍,見記者時面露笑容說:「我睇吓佢出到嚟個解釋是甚麼,咁然後我地(民建聯)一定會回應」,又指「呢單嘢緊要、呢單嘢緊要啊,因為佢唔係一個18歲以下嘅人,你18歲以下嘅人,你同朋友玩、同同學玩,熟熟哋係咪?但(今次)人地(保安局職員)同你唔多熟喎,你咁樣做法」。
民建聯議員葛珮帆其後亦主動加入討論,說:「我覺得呢個係一個好嚴重嘅事,係真係好嚴重嘅事,我諗任何人無論咩原因,都知道不能搶咗人哋啲嘢,跟住仲要睇埋人哋啲嘢,跟住仲惡人先狀,有冇搞錯啊?真係呢個咩世界,我真係覺得難以置信,作為一個立法會議員去做啲咁嘅事件」。
經民聯議員梁美芬認為,即使議員的行為在議事廳受權力及特權條例保護,但大樓內的行為仍要受法律的的監管。對於許智峯搶走政府女職員的手機,她認為是未經同意取走物品,「係故意拎走,並唔係無心拎錯」,行為極有可能觸犯刑事法律,不能接受。她補充,許同時檢查了手機內的個人資料,有機會侵犯個人私隱。
梁美芬指,有關的事件預計會在立法會行管會討論,至於會否動議譴責,或報警處理,就要看許會否就事件誠意道歉,和市民對事件的看法。但她強調,搶走別人物品的行為,在搶走的一刻已經犯法,無關後來有沒有歸還,「只可以講將來判決時可以減輕(刑責),唔係當無發生過」。
《蘋果》沙士15周年系列網站,正式登場:
https://hk.feature.appledaily.com/sars15/