當年今日
關於我們

【銀幕公開姊弟戀】滿島光離婚兩年 新片孖男友永山絢斗演情侶

蘋果日報 2017/03/29 12:01

滿島光永山絢斗

日本女星滿島光由偶像轉型成實力派演員,近年屢獲演藝界殊榮嘅佢感情亦有着落,跟男星瑛太細佬永山絢斗打得火熱。31歲嘅滿島光拍罷人氣劇《四重奏》後,今日宣佈再有新片《海邊的生與死》於夏天上映,今次佢同男友永山絢斗以情侶檔擔任主角,亦係二人第三度合作。
滿島光跟導演石井裕也離婚即搭上細佢三年嘅永山絢斗,戀情於去年5月曝光後,雙方事務所罕有承認,而滿島光曾於頒獎禮上被記者追問同永山絢斗戀情,滿島光立即含羞好甜蜜咁「嘻嘻」笑咗幾聲就走咗,默認戀情十分甜蜜。
講番套新片《海邊的生與死》,係作家長尾敏雄將自己跟太太嘅相識經過搬上大銀幕,由滿島光同永山絢斗飾演長尾夫妻,片商亦公開兩位主角嘅戲中造型。