身穿白色衫、戴上cap帽嘅何猷啟，下午4點幾單拖步出養和醫院，佢睇完門診出嚟，見佢右手嘅虎口位包住，原來佢喺屋企整嘢食整親。

問到點解唔叫家傭煮?猷啟就話：「整緊啲輕鬆嘢，好少事!」咁媽咪陳婉珍知唔知?猷啟講：「媽咪唔知，不過女友就知!」係唔係只係畀女友知，佢笑笑口講：「唔係!因為一班朋友一齊食，所以就知。」猷啟走嗰陣，都有企定定俾在場記者影相，由司機接走。