華叔司徒華噚日喺中大教育學院「校友成就獎」頒獎典禮上,向在場近百名教育界人士講咗三個關於動物嘅古仔,都幾有趣,同大家分享吓。
故事一:妙法捕野狼
美國阿拉斯加愛斯基摩人捉野狼,會將一把染血嘅刀埋喺雪地上,野狼聞到血腥味,會走過去舔血刀,舔個不停,啲狼唔知條脷俾刀割損,仍津津有味,最後失血過多昏倒,獵人就咁捉到野狼。
故事二:啞猴尋解藥
話說森林裏面有一族猴子都係啞巴,其中一隻猴子於是出發去搵解藥。佢搵神仙、山林隱者同學者,都幫唔到;最後搵到魔鬼,對方話可以幫到佢哋,但條件係班猴子以後只可以講魔鬼准講嘅嘢。