韓國男團BTS（防彈少年團）日前推出回歸專輯《LOVE YOURSELF 承 "Her'》，專輯一出大受全球樂迷歡迎，繼《DNA》MV上周一公開8小時後點擊就破千萬，截至今日早上10時點擊更逾5,400萬次，加上專輯又打入英國Official Charts嘅專輯榜第14位，屢刷新紀錄。

而今日繼續有好消息，喺美國Billboard顯示嘅數據，BTS嘅專輯登上主榜單Billboard200上嘅第七位，再次刷新新紀錄，成為K-pop歌手嘅最高紀錄，同時亦都係亞洲藝人嘅最高成績紀錄，BTS仲係連續五張專輯打入Billboard200榜單嘅首位韓國歌手。

另外，BTS嘅專輯截至噚日，發行首周銷量已突破75萬張，而專輯預定更突破至112萬張。而成只Jin同Jimin落實將出演《拜託了冰箱》，並於今日進行錄製。