食昆蟲可能需要無比勇氣,但人哋睇你食,會唔會覺得太「重口味」,黃美棋唔係咁飢不擇食,雖然話昆蟲肉有豐富蛋白質、鈣質、鐵質兼脂肪低,都唔使晨早流流食成碟蟲呱!
美棋BB今日忽然喺微博po咗4張相,兼留言指:「今日嘅的早餐……昆蟲放題(四腳爬爬,曱甴,蠍子等任食)。」昆蟲都仲要食放題,真係食得招積,近啲睇都覺得幾得人驚,真係有成6隻四腳爬爬,至少有5種唔同嘅昆蟲喺碟,唔知係咪拍飲食節目要美棋BB試吓呢?
再睇貼圖,美棋BB好似一啲都唔驚,仲拿起啲昆蟲喺手度影相兼扮食,真係好有「吉士」,未知如果真係叫佢食,會唔會益晒救命呢?攞咗唔食好浪費,相信美棋BB一定會食晒嘅!