李思欣和范振鋒轉眼結婚8周年，理應高高興興過「銅婚」，但思欣昨晚卻在社交網貼入院相片，她留言：「估唔到結婚8周年會喺醫院過…辛苦你了，陪伴是最好的禮物。」雖然不幸患病住院，但有老公貼心陪伴，相中二人手牽手，十分恩愛。思欣大前晚亦貼出在郵輪上夫妻檔做司儀，兩日一夜，當時見她做騷還是精神奕奕，估不到晚上完騷便打敗仗。

《蘋果》今日致電思欣問候，她說：「大前晚喺郵輪做完嘢，仲慶功，右腰後面痛到好緊要，最初以為抽筋，入咗船嘅急症室，我都驚撐唔到，因為架船喺公海，船上冇相關儀器，噚日朝落船即刻入咗醫院，醫生懷疑我生腎石，開咗止痛藥畀我，周日醫院安排唔到照CT（電腦掃描），今朝先照。」醫生看過報告，思欣續說：「醫生話有腎石，唔算大粒，有兩個方案，一係飲多啲水沖淡佢，一係做個小手術打散佢。」思欣揀飲大量水沖淡腎石：「我平時真係飲太少水，真係要飲番8杯。」　
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇