獲男友黃曉明力撐冇整容嘅Angelababy，之前已經爆響口話:「結婚一定通知大家……本身希望三十歲前生BB。（若意外懷孕？）最好啦！我好喜歡小朋友。」暗示與男友不設防，隨時「搞出人命」。

噚日Baby喺上海出席咗德國櫥櫃品牌開幕剪綵活動，話題講到希望自己屋企有一個設備完善嘅廚房時，Baby又好識做咁，將個話題拉咗去生BB嗰part，佢話，因為近年工作忙碌，冇咩時間鑽研廚藝，希望能夠喺未來日子學好煮中國菜，又:「我好希望可以學好廚藝，亦都好鍾意小朋友，將來做媽媽嗰陣，希望可以為自己嘅小朋友做飯，係一件好美好嘅事。」

言下之意，Baby都係會想生BB做媽媽嗰啲啦，咁唔知第時個BB會係似Baby定曉明定係……又係時候講呢句：我最期待的畫面出現了。