當年今日
關於我們

【玩完人魚戀】38歲馮紹峰戀33歲混血模特兒 農曆年度春宵三日兩夜

蘋果日報 2017/02/09 10:55

馮紹峰郭碧婷林允美人魚

38歲馮紹峰早前同20歲「美人魚」林允拍拖,雖然成日被人影到佢哋去約會,不過二人一直冇承認戀情,上年平安夜當日,林允更喺WeChat朋友圈聲稱單身,據知二人已分開咗一段時間(新聞連結: http://bit.ly/2lmhxpn )。
今日大陸報道爆馮紹峰已有新歡,對象係33歲混血模特兒郭碧婷,佢哋之前拍《那片星空那片海》疑似撻著,二人喺農曆年,共處一室過三日兩夜,年三十晚,馮紹峰嘅爸媽仲拎飯菜嚟一齊食,尤如一家人過年,直到第4日,馮紹峰同郭碧婷先出門去停車場,不過,馮紹峰嘅工作人員代其否認戀情,稱郭碧婷當時喺上海,馮紹峰只係盡地主之誼請食飯。
有啲網民就覺得佢哋因為有新片上映先炒作,亦有不少網民戥林允唔抵,覺得馮馮紹峰換女朋友嘅速度太快,亦有網民認為「對馮紹峰的好感已經從倪妮到林允就沒有了」。