混血女星水原希子今個星期又再抵港，身為香港旅遊親善大使嘅佢來去匆匆，前日出席完林建岳與紅顏知己林寶賢（Michelle）引入嘅日本運動品牌Dance with Dragon於中環舉行之開幕禮後，噚日已從香港出發前往洛杉磯。

噚日，水原希子臨走前都好唔話得拍片慰粉絲，佢喺香港下榻嘅酒店床上Selfie又拍片，用毛巾包頭嘅希子咪嘴夾口形唱出八神純子名曲，佢唱到一臉陶醉，從上載幾條視頻所見，希子唱到七情上面，果然係表演慾爆棚。