「唞暑未？幾時飛？去邊？」呢啲係親友聚會必問嘅，熟啲會撘單買手信，好熟嘅會搭埋自己落嚟，做人夠厚面皮真係好使好用。

我都唔弱，該拒絕就直接拒絕，心情欠佳就幾熟都唔睬......住。度馬緊要，一為出糧，二為贏錢。我啲機票住宿同你班友仔嘅手信就睇呢五次。

黑面，因為我認真，其實我心裏真係有你哋，「老友威威」嘛！明日（7月1日）頭場四班1200米，「老友威威」季初三班同程入Q，呢一個月工夫稍稍谷過而且體重回升，仲配有壽星運嘅利敬國，真係人馬騎練都大顯誠意。

孭番中磅又抽1檔，唔使咁後，照番季初咁跑就可以做爭勝主角啦！

Q及QP腳就拖番有進步嘅「加州明雋」同「葵涌精英」，希望外檔都一樣楔到吓，仲有新勝嘅「勝利風範」，私心唔想佢畀條熱Q啫，但係又靚又叻又唔敢飛......同埋希望好天啦！

-----------------------------
7月4日起 《蘋果動新聞》只限升級壹會員閱覽
繼續撐蘋果！