去年底藝人飯局事件擾攘至今，黃浩成眾矢之的，梁烈唯因開腔護曾志偉而寸黃浩，遭黃浩發律師信要求公開道歉。日前向太陳嵐受訪時力斥黃浩令娛樂圈雞犬不寧，前晚王晶亦在微博發言撐唯唯：「如果人哋話一個人係食屎狗，那人就要證明自己冇食過屎。幾十人媽叉過佢，佢就揀一個以為人哋冇錢打官司嘅嚟告！真衰格！山雞大把人撐！佢後台係洪興同TVB呀！粉腸！」
唯唯前晚到尖沙嘴出席視帝黎耀祥宴請台前幕後的飯局，他大讚向太是女中豪傑：「今次佢好似有光環喺頭頂，好似女俠，儆惡懲奸，所有香港市民想八卦嘅嘢，𠵱家解答晒大家。」至於是否鬆一口氣，他強調沒谷住條氣，以平常心面對，但望事件可告一段落。

開心多人撐

唯唯昨到新城接受訪問，對於王晶力撐，他直言邊個支持都開心，亦多謝他們，他感激陳百祥表示會借錢給他打官司，但他不希望發生：「屋企人都擔心，但我解釋咗就唔擔心，香港有言論自由，就算冇人撐都唔會唔開心，有冇呢件事都會慎言。」
黎耀祥坦言去年大豐收故宴請台前幕後食飯，有傳他擺風水陣剋住林峯，他說：「好笑，向來都唔做呢啲嘢，我每年會睇流年，但唔會擺嘢。」
採訪：楊潔雯、張俊銘
攝影：葉君海