劉以達早前拍攝咗套關於動保嘅電影《毛俠》，該片下月11日上映。有份參演嘅仲有陳逸寧、安采妮等等。

今日達哥就同導演區焯文到葵涌一間寵物酒店做探訪兼宣傳，達哥話希望藉電影向大家宣傳好好照顧流浪貓狗，同時亦鼓勵領養，佢自己屋企都領養咗隻流浪狗，仲稱呼狗狗為小霸王：「屋企隻狗已經七、八歲，好神經質，成日追住自己條尾轉圈，有朋友嚟屋企佢就係咁吠。」

早喺拍攝電影前，達哥話自己已經相當支持領養：「第日等屋企隻狗百年歸老後，我都會繼續領養，不過暫時就唔會啦，因為佢好霸道。」講到早前「山竹」襲港期間，有份演出電影嘅安采妮曾經喺網上投訴鄰居唔畀飼養嘅狗狗入屋，達哥話：「嘩！乜咁衰呀，如果我知道實鬧埋一份。」

精選娛聞，喺晒《娛果》
http://fb.com/appledailyent