當年今日
關於我們
【唔留戀幕前】40歲徐子珊退出娛圈 賣樓移居歐洲過新生活
蘋果日報 2019/12/24 15:29
退出娛圈
徐子珊
娛樂
娛樂
繼朱千雪返回校園讀法律、十優麥明詩轉到顧問公司打工,又一位女神退出娛圈-----徐子珊。
曾經佢擺脫港姐冠軍嗰種只有端莊但無個性嘅沉悶形象,夠膽當選後即以活潑跳脫嘅真我,呈現給香港觀眾,結果率真贏來掌聲。好快佢被導演杜琪峯賞識,以新人姿態踩入影壇參予電影《追蹤》而一鳴驚人。
今年徐子琪入行已經15年,亦年屆40。半年前完成港大心理學碩士嘅佢,決定喺女人四十之年重新開始,退出娛圈、離開香港,並著手賣樓賣車套現,帶著積蓄移居心意嘅德國或荷蘭(佢話會二揀一),學業上繼續追求,考取博士學位。
今日有報導,指徐子珊透露之前一邊工作一邊讀書太辛苦,令佢下決定重整人生方向,於事業與學業中作出取捨。加上15年水銀燈下嘅日子,令今日嘅徐子珊嚮往自由,唔再因為臉上生一暗瘡而感到壓力。原來四年前離開大台嘅佢,已解散影迷會,不過至今跟粉絲仍保持聯絡。佢又話自己向來節儉,之後靠住積蓄過求學生活不成問題。
其實喺大台當紮日子,有傳佢係老闆「殼王」陳國強嘅新寵,未幾由公屋港姐升呢手為千萬貝沙灣豪宅業主,該單位一直手持至今,期間又斥資過千萬,以爸爸名義買入1200萬海怡半島單位。
娛圈無乜輝煌成就,但就生活無憂,尤其離開大台後,徐子珊有段時間過住養尊處優嘅生活,閒時四出旅行,又報讀珠寶設計,更開設網店賣自家首飾。
由港姐到登上花旦,徐子珊劇集代表作唔算多,有口碑嘅當然係跟子華神合作嘅《My盛Lady》,亦曾在另一劇集《美麗高解像》鬧出是非,當時屬新紮姐仔嘅佢,被指遭劇中女演員伍詠薇,陳敏之聯手杯葛。15年離開大台後發展未見突破,接拍邵氏劇《守護神之保險調查》更降為女二,戲份比劉心悠少。16年佢簽俾王祖藍嘅經理人,一度開拓內地市場,但三年間無乜起色。
幕前事業到咗樽頸位,選擇離場求學過新生活,或會遇到更多可能性,總好過做到意興闌珊,漸被淘汰。
徐子珊準備賣樓移居歐洲,也希望在那裡遇上真愛。
近年一度攻內地市場,可惜未見成績。
在大台當花旦的日子,徐子珊予人感覺,是長期戰鬥格。
劇集代表作,當然是跟黃子華合作的《My盛Lady,》。
-----------------------------
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難!】
親臨旺角做升級壹會員,即送「香港人:抗爭之夏」限量明信片
詳情地址