韓國神劇《太陽的後裔》女星宋慧喬繼5月尾訪港後，將再度襲港，聽日出席代言護膚品牌於中環舉行嘅揭幕儀式，再次現身見港迷。

而喬妹今日就由韓國出發飛嚟香港，率先為聽日嘅活動作準備。今早喬妹現身韓國仁川國際機場時，就穿上短褲晒腿現身。而戴上帽嘅喬妹，今日就未有戴口罩遮樣，見到傳媒時更甜笑揮手，心情似乎非常好。

剪咗更短頭髮嘅喬妹約於晏晝5時25分步出接機大堂，獲5名保鑣陪同，近10名粉絲接機。喬妹戴住黑色帽微微遮樣，不過佢都有收粉絲送嘅花束，粉絲用韓文高呼「Onni」，喬妹都有大方揮手及派心，又不時甜笑及晒左手嘅婚戒，隨後喬妹就急步冒雨上車離開。

精選韓流，喺晒《娛果》
http://fb.com/appledailyent