幾年前，我家的那人剛考了車牌，高高興興想去買部二手車玩玩。她在一些有二手車放賣的雜誌，找到了一部價錢幾合理的，不，應該說是價錢非常合理到接近不合理的二手思域。「小心被騙啊！」「唔使怕，我已經搵咗兩位同事一齊去，佢哋話自己係買二手車嘅專家。」第二天，她去了試車。
原以為是私人放賣，去到目的地才發現原來是一間二手車行。車行的人對她說因為車子曾經有一次大炒，所以才能以低價放售。好了，談了一陣，試過一轉，想了一下，她和兩位專家也覺得沒有甚麼問題，便放低了一萬元，辦手續。她高興的等待着，真真正正擁有人生中第一部車的日子。

幾天之後，她再回去車行，準備完成交易。忽然有另一位職員說：「你知道你嘅車要續供啦？」「吓？你哋話一萬元係買斷㗎！」「唔係啊，可能你聽錯啦，你呢部車重要續供，重要供兩年。」計一計，車價由原本的一萬元，忽然升值到五萬元，由原本平得不太合理，變成現在貴得不太合理。「我唔要呢部車啦，請退回一萬元畀我。」「對唔住，我哋公司係唔可以退錢嘅。」受害人在騙局內，任得你怎樣掙扎也妄想能安然脫身。
好了，她身邊的兩位二手車專家終於發揮作用，在車行內大聲吵鬧，企圖以惡制惡。忽然，在車行的陰暗角落內，行了幾名紋身肌肉大漢出來。這刻，大家也明白到，斯文人在紋身和肌肉面前，只是得啖笑。
我老婆只是想駕車，願望就是這麼單純及簡單：「你可唔可以畀過另一部價錢相若嘅車我？」「當然冇問題啦！」結果他拿了一部相當殘的二手思域，價錢是二萬，即只要補貼一萬元便可出車。嚇死，他竟然說：「信我啦，呢架車好好㗎，冇問題㗎！」