教育局局長吳克儉以「有公務」為由，缺席立法會教育事務委員會討論「防止學生自殺委員會」最終報告的第二節公聽會，有與會者揶揄他「不如索性辭職」。本身是中學校董的前立法會議員林大輝亦炮轟吳克儉表現不濟，坦言寧願代政府出糧半年提前「送走」吳克儉，「各黨各派、社會人士都唔滿意佢，上屆立法會都有聲音叫佢落台啦！佢一路都做唔到嘢！教育對我哋嚟講好重要㗎嘛。」

公聽會原本中午1點45分結束，但吳克儉未有坐足全程趕住離開，原來他口中的「公務」是下午兩點在灣仔出席香港義工聯盟舉辦的嘉許禮，同場嘉賓還包括特首梁振英、民政事務局局長劉江華、勞工及福利局局長張建宗等人。林大輝直言對吳克儉寧願到活動做「展品」都不列席公聽會聽意見，令他深感氣憤，「個活動有CY、有咁多人去，點解唔安排其他出席呢？但教育範圍就係佢嚟架嘛！你自己範疇都唔做好佢！」

上屆曾擔任立法會教育事務委員會主席的林大輝形容，吳克儉至今的工作表現非旦無改善，更是江河日下，身兼特首選委的他表明絕不支持下任特首繼續沿用吳克儉做局長，「好清晰㗎啦！任何一個想我支持佢，必須話畀我聽仲用唔用呢個人。有呢個人，天王要我畀（選票），我都唔會畀！佢實在太差、太差喇！差到唔可以忍受喇。」