日本巨星福山雅治抵達威尼斯，今年憑大導是枝裕和執導作《第三次殺人》入主威尼斯影展爭影帝，啱啱佢就連同另外兩位主角廣瀨鈴、役所廣司現身記者會，分享是次參演感受。褔山就話：「作為一位歌手，好感謝是枝裕和俾呢個機會我，今次演出非常刺激，亦得到好多寶貴經驗。」另外，再次出戰海外影展嘅廣瀨鈴似乎仲未係好熟環境，答記者問題時唔識開咪，令畫面一度冇聲，要坐喺身旁嘅褔山雅治教路，佢都連聲表示唔好意思。結束記者會後，福山雅治拎起手機充當龍友，拍下影展盛況。

同日福山雅治另一部非競賽單元入圍作《追捕》都公佈新海報，該片由吳宇森執導，同樣會於威尼斯影展放映。